Партияаралық дебат: Конституция жобасы талқыланады

Ертең жаңа Ата Заң жобасын талдауға арналған «Жаңа Конституция – жаңа мүмкіндіктер» атты партияаралық дебат өтеді. Студиялық форматта ұйымдастырылатын дискуссия Qazaqstan телеарнасының YouTube, Facebook, Instagram және TikTok платформаларында, Хабар арнасының Ютуб арнасында тікелей трансляция арқылы көрсетіледі. Сонымен қатар қосымша ақпараттар «Референдум-2026» телеграм арнасында жарияланады. Дебатқа 7 партиядан 14 спикер қатысады. Эфир барысында спикерлер жобаның маңызды тұстарына қатысты пікірлерін айтып, халықтан түскен сауалдарға жауап береді.