ІІМ: Балаларды ұрлау туралы ақпарат – жалған

Ішкі істер министрлігі мессенджерлерде таралып жатқан мигранттар мен балаларды ұрлау туралы хабарламаның шындыққа жанаспайтынын мәлімдеді. Құзырлы орган мұндай мазмұнда ресми ақпарат таратпаған. Осыған байланысты азаматтарды тек ресми дереккөздерге сенуге және тексерілмеген мәліметтерді бөліспеуге шақырады. Күдік тудыратын жағдайлар туындаса 102 нөміріне хабарласу қажет. Сондай-ақ жалған ақпарат таратқаны үшін заңнамаға сәйкес жауапкершілік қарастырылғанын ескертеді.