Родина ауылы 100% дауыс берген

Ақмола облысының Целиноград ауданына қарасты Родина ауылының тұрғындары түгелдей түске дейін дауыс беріп тастады. Таңертеңнен бастап референдум учаскелерінде ерекше атмосфера қалыптасты. Ауыл тұрғындары отбасыларымен келіп, бірлік пен осы сәттің маңызын терең түсінетінін көрсетті. Жергілікті сайлау комиссиясының мәліметінше, дауыс беру тыныш әрі ұйымдасқан түрде өтті. Таңертеңгі уақытта адамдардың көптеп келуіне қарамастан, учаскелерде тәртіп қатаң сақталды. Әзірге бұл өңір дауыс беруге құқылы тұрғындардың 100 пайызы түгел қатысқан жалғыз елді мекен болып тұр.