Шетелдегі барлық 71 учаскелік референдум комиссиясы өз жұмысын аяқтады

Астана уақытымен таңғы сағат 08:00-де АҚШ-тың Сан-Франциско қаласындағы Қазақстанның Бас консулдығы жанындағы референдум учаскесі жабылды. Осылайша шетелдегі дауыс беру толық аяқталды. Уақыт айырмашылығына байланысты дәл осы Сан-Францискодағы  учаске шетелдегі референдумды қорытындылаған соңғы нүкте болды. Қазір комиссия мүшелері бюллетеньдерді санауға кірісті. Сыртқы істер министрілігінің мәліметінше, шетелдегі барлық 71 учаскелік референдум комиссиясы өз жұмысын аяқтады. 54 елде 12  740 Қазақстан азаматы  өз таңдауын жасады. Бұл шет елде жүрген қазақстандықтардың 88,6%-ы дауыс беруге келгенін көрсетеді.