Басты Жаңалықтар Су кодексіндегі бірқатар норма күшейтілді

Су кодексіндегі бірқатар норма күшейтілді

18.03.2026 13:09

Мемлекет басшысының тапсырмасы бойынша жаңа Су кодексіндегі бірқатар норма күшейтілді. Су ресурстары және ирригация министрлігі өкілдерінің хабарлауынша, заңнамада су тасқынының алдын алу, тұрақты түрде болжам жасау, тәуекелдерді жүйелі басқару жұмыстары қарастырылған. Ол цифрлық жүйе арқылы жүзеге аспақ. Мәселен, «Қазгидромет» ауа температурасын, жердің қаншалықты қатқанын, суды сіңіруі көрсеткіші мен қанша қар түскенінен дерек береді. Спутниктер мен жасанды интеллектіге негізделген «Tasqyn» жүйесінен, аэроғарыштан түсірілген суреттерден де ауқымды деректер алынады. Жүйе 135 өзенді талдайды. Ал TALSIM-NG моделі нақты уақыт режимінде жұмыс істеп, өзен бассейндерінің «цифрлық көшірмесін» шығарады. Бағдарлама су тасқыны басталмай тұрып, оның санын алдын ала есептеп шығарады. Су қоймалары мен гидротехникалық нысандардың жұмысын жоспарлап, бөгеттердің беріктігіне тұрақты көпфакторлы тексерулер жүргізеді, су жинауға арналған бос орындарды дайындайды.

Айта кетейік, жұмыстарды үйлестіруге 5 министрлік жауапты болмақ.

Автор

Асылбек Данияр

Бөлісу