Елімізде отбасы мәселелері жөніндегі уәкіл институты құрылады

Отбасы мәселелері жөніндегі уәкіл институты құрылады. Мемлекет басшысы тиісті Жарлыққа қол қойды.
«Уәкілдің негізгі мақсаттары отбасы құқықтары мен мүдделерін қорғауды күшейту, отбасы институтын нығайту, демографиялық саясатты жетілдіру, отбасылық-тұрмыстық зорлық-зомбылықтың алдын алу. Уәкіл институты қызметін Қазақстан Президентінің жанындағы Әйелдер істері және отбасылық-демографиялық саясат жөніндегі ұлттық комиссия құрамында төрағаның орынбасары ретінде қоғамдық негізде жүзеге асырады. Жарлық қол қойылған күнінен бастап қолданысқа енгізіледі», - делінген Ақорда таратқан ақпаратта.