35 ел Ормуз бұғазында кемелерді қорғау мәселесін талқыламақ

Ормуз бұғазында кеме қатынасын қайта жандандыру бойынша халықаралық жиын Лондонда өтеді. Кездесуге 35 мемлекеттің өкілдері қатысады. Бұл туралы Ұлыбританияның премьері Кир Стармер мәлімдеді. Мақсат - навигация еркіндігін қалпына келтіруге бағытталған дипломатиялық және саяси қадамдарды әзірлеу. Жиынға Германия, Франция, Италия, Жапония, Біріккен Араб Әмірліктері мен Бахрейн тәрізді елдер қатысады. Күніне шамамен 20 млн баррель мұнай өтетін Ормуз бұғазы стратегиялық маңызға ие. Алайда Иранға қарсы шабуыл басталғалы мұнда қозғалыс тоқтап қалған.