Таяу Шығыстағы шиеленіс: Иранда шабуылдан көпір қирады

АҚШ пен Израильдің Иранға қарсы әуе шабуылы 34 күнге ұласты. Соққыдан Тегеранды елдің батыс өңірлерімен жалғайтын маңызды тас жолда көпір қираған. Құрылысы бітпеген нысан Таяу Шығыстағы ең биік көпір саналады. Иранның мемлекеттік басылымдарының хабарлауынша, шабуылдан 8 адам қаза тауып, бірнеше адам жараланған. Сонымен бірге АҚШ пен Израиль Исфахан қаласындағы зымыран базасына оқ жаудырып, сол жақтан жойқын жарылыс дыбысы естілді. Иран жауап ретінде Израиль мен көршілес елдерге зымыран жіберуін жалғастырды.