БҰҰ: Ливанда гуманитарлық жағдай нашарлап барады

БҰҰ Ливандағы гуманитарлық жағдайға алаңдаушылық білдіріп, жедел шиеленісті бәсеңдетуге үндеді. Ұйымның дерегінше, 1 млн-нан аса адам үйлерін тастап кеткен. Израильдің әуе шабуылынан 1300-ден аса ливандық қаза тапқан. БҰҰ бейбіт тұрғындарды, денсаулық сақтау мекемелері мен гуманитарлық миссия қызметкерлерін қорғау маңызды екенін алға тартты. Ливанда «Хезболла» мен Израиль арасындағы қарулы қақтығыс екінші айға жалғасты. Израиль қарулы топқа қарсы ауқымды әуе және құрлық операциясын жүргізіп жатыр. Бұған «Хезболла» Иранға қарсы шабуыл үшін кек алу мақсатында Израильді атқылауы себеп болған.