Қытайлық блогер Т.Минсю ІІ дәрежелі «Достық» орденімен марапатталды

Қытайлық блогер, Kazakh Tourism амбассадоры Тао Минсю Мемлекет басшысының атынан ІІ дәрежелі «Достық» орденімен марапатталды. Жоғары мемлекеттік награданы Премьер-Министрдің орынбасары – Мәдениет және ақпарат министрі Аида Балаева табыстады. Марапат Тао Минсюдің Қытай медиа-кеңістігінде Қазақстанды танытуға, оның мәдени мұрасы мен туристік әлеуетін насихаттауға, сондай-ақ Қазақстан мен Қытай арасындағы гуманитарлық байланыстарды нығайтуға қосқан үлесі үшін берілді.Тао Минсю Қазақстанға алғаш рет 2024 жылы қыркүйекте арнайы шақырылған медиа-инфлюенсер ретінде келген. Содан бері ол еліміздің бірқатар өңірнде болып 100-ден аса материал жариялаған. Қазақстанға бесінші сапары аясында блогер Алматы – Ақтау – Түркістан бағытымен сапарлап, Амал және Наурыз мерекелеріне арналған іс-шараларға қатысты.