Бензин бағасы бақылауда

Жанар-жағармай құны күрт көтерілмейді. Оған жол берілмейді, деді Энергетика вице-министрі Сұңғат Есімханов бүгін Үкіметте. Алайда біртіндеп өсуі мүмкін деп отыр.  Вице-министр бұған дейін де жанар-жағармай нарығы еркін айналымға жіберілгенде осындай жағдай болғанын және ол кезде баға бақылауда болғанын еске салды. Сондай-ақ бұл тек Энергетика министрлігінің ғана емес, сонымен қатар Бәсекелестікті қорғау және дамыту агенттігінің, жергілікті әкімдіктердің және басқа да мемлекеттік органдардың бірлескен жұмысының нәтижесі, деді вице-министр.

Сұңғат Есімханов, ҚР Энергетика вице-министрі:

Жанар-жағармай бағасының күрт өсуі болмайды. Бәлкім, шамалы өсуі мүмкін. Көрші елдерде отын бағасы айтарлықтай қымбат екенін өздеріңіз көріп отырсыздар. Бірақ бағаның бірден шарықтап кетуіне жол берілмейді деп ойлаймын.