Басты Жаңалықтар Жас ғалымдардың еңбектері таныстырылды

Жас ғалымдардың еңбектері таныстырылды

13.04.2026 17:27

Қазақстандық жас ғалымдардың еңбектері әлем үшін маңызды. Ғалымдар күніне орай өткен «ǴYLYM JÁNE BІLІM – 2026» Халықаралық конференциясының қатысушылары зерттеушілердің еңбегін осылай бағалады. Шараға мемлекеттік қайраткерлер, отандық және шетелдік ғалымдар, сондай-ақ оқытушылар мен студенттер қатысады. Жиында қатысушылар IT, физика, математика, социология, филология және басқа да гуманитарлық ғылымдар салаларындағы зерттеулерін ұсынады. Солардың бірі Жақып Кәріпбаевтың ойлап тапқан жылыжайларға арналған шамы. Отандық өнімнің өзіндік құны арзан пайдасы мол болады дейді ол.

Жақып Кәріпбаев, ЕҰУ физика техникалық институтының қауымдастырылған профессоры:

Қазіргі жарықшамдар көк және сары түстің қосындысынан тұрады. Қызыл жетпейді. Ал бізде өсімдіктер өсуі үшін, жылдам өсуі үшін арнайы спектордың қызыл бөлігі керек. Сол қызыл бөлігін біз түрлендіргіштермен жасап, өсімдікке қажет спектордың құрамын жасап беріп жатырмыз. Инвесторлар келуде. Біз зертханамызды көрсетудеміз. Енді масшабизация жасау керек.

Автор

Оңғар Алпысбайұлы

Бөлісу