Жаңа Зеландияда төтенше жағдай жарияланды

Жаңа Зеландия астанасы Веллингтонда су тасқыны болып, төтенше жағдай жарияланды. Мұның алдында қалада үздіксіз нөсер жауын құйған.  Көшелерді су басып, үйлерге зақым келді. Ағаштар құлап, көліктер суда қалды.  Бірнеше адам қауіпсіз жерге көшірілді. Тұрғындарға далаға шықпау жөнінде ескерту жасалды. Ауа райының қолайсыздығынан Веллингтонда мектептердің бір бөлігі жұмысын тоқтатқан. Веллингтон әуежайында ұшақ рейстері кейінге шегерілді. Ауа райы болжамына сай жауын-шашын әлі де жалғасуы ықтимал.