Қазақстан БҰҰ-мен ынтымақтастықты нығайтуда

Қазақстан Тұрақты даму мақсаттарына қол жеткізу бойынша БҰҰ-мен ынтымақтастықты нығайтуда. ҚР Сыртқы істер министрі Ермек Көшербаев БҰҰ Бас хатшысының экономикалық және әлеуметтік мәселелер жөніндегі орынбасары Ли Цзюньхуамен кездесті. Кездесу барысында тараптар Қазақстан мен БҰҰ-ның тұрақты даму саласындағы ынтымақтастық мәселелерін қарастырды. Сыртқы саяси ведомство басшысы Қазақстанның БҰҰ Жарғысының принциптеріне адалдығын және көпжақты дипломатияны дәйекті түрде нығайтуға дайын екенін растады. Министр Ұйым басшылығына, атап айтқанда Бас хатшы Антониу Гутерришке Астанадағы Өңірлік экологиялық саммитті дайындаудағы жемісті серіктестігі үшін алғыс айтып, БҰҰ делегациясының өкілдік құрамын ерекше атап өтті.