Астанада Өңірлік экологиялық саммит өтіп жатыр

Астанада Өңірлік экологиялық саммит өтіп жатыр. Шараға қатысуға келген делегация басшыларын ЕХРО көрме орталығында Президент Қасым-Жомарт Тоқаев қарсы алды. Диалог алаңының мақсаты – экожүйелерді, су және жер ресурстарын қорғау, қалпына келтіру әрі бірлесе пайдалану бойынша кешенді саясат пен тетіктерді қалыптастыру, Орталық Азия өңірінің биоалуантүрлілігін сақтау. Пленарлық отырыста Қазақстан Президенті Қасым-Жомарт Тоқаев, Қырғызстан, Өзбекстан, Тәжікстан, Түрікменстан, Армения, Моңғолия, Грузия Президенттері мен халықаралық ұйымдардың өкілдері сөз сөйлемек.