Президенттер Халықаралық Аралды құтқару қорының жоғары деңгейдегі отырысына қатысты

Қазақстан Халықаралық Аралды құтқару қорына төрағалық еткен жылдары бірқатар жетістіктерге қол жеткізілді. Мәселен, Солтүстік Аралдың экожүйесін қалпына келтіру теңіз маңындағы балық шаруашылығына, жалпы әлеуметтік-экономикалық ахуалға жағымды әсер етті. «Арал» геопаркі құрылды. Халықаралық Аралды құтқару қоры құрылтайшы мемлекеттер басшылары кеңесінің отырысында Қасым-Жомарт Тоқаев осылай деді. Дегенмен шешілмеген мәселе әлі де көп. Орташа температураның өсуі, құрғақшылықтың күшейіп, қыстың суық бола түсуі алаңдатарлық мәселе. Президент мұндай проблемаларды бірлесіп шешуге және Халықаралық су ұйымын құру туралы бастаманы қолдауға шақырды.