Президент ДДСҰ бас директорымен кездесті

Дүниежүзілік денсаулық сақтау ұйымының Қазақстанға деген сенімі артып келеді. Ұйымның бас директоры Президентке елімізге дәрілік заттардың айналымын реттеу саласын жетілдіру бойынша 3-ші деңгей берілгенін растайтын хатты табыстады. Қазақстан мұндай дәрежеге ТМД елдері арасында бірінші, ал Еуропа аймағында төртінші болып қол жеткізді. Қасым-Жомарт Тоқаев пен Тедрос Адханом Гебрейесус кездесуде Қазақстан мен Дүниежүзілік денсаулық сақтау ұйымы арасындағы ынтымақтың қазіргі жай-күйі және келешегін талқылады. Қадірлі мейман Президентке Өңірлік экологиялық саммитке қатысуға шақырғаны үшін алғыс айтты.