Тегеран мәселені келісім арқылы шешуді қолдайды

Иран мәселелерді әркез диалог пен келісім арқылы шешуді қолдайды және бұл ұстанымын әрі қарай жалғастырады. Иран президенті әлеуметтік желіде осылай деп жазды. Сонымен бірге Масуд Пезешкиан міндеттемелерді бұзу, блокада мен қоқан-лоққы көрсету келіссөзге кедергі екенін мәлімдеді.Тегеранның ұстанымына сай, бітім шарттарының бұзылуы Ормұз бұғазын ашуға мүмкіндік бермей отыр. Ал АҚШ президенті Дональд Трамп екі апта бұрын жарияланған бітім мерзімін ұзартты. Бұған қоса жұмаға қарай келіссөздің екінші раундына қатысты жағымды жаңалық болатынын мәлімдеді. «Рейтер» агенттігінің мәліметіне сай, бұл кездесу апта соңында өтуі мүмкін.