National Geographic Qazaqstan елшілері таныстырылды

Ғылым, табиғат және қоғам үшін қызмет етіп жүрген National Geographic Qazaqstan елшілері таныстырылды. (КСМ) Биыл журналдың елімізде жарық көре бастағанына 10 жыл толып отыр. Осыған орай Қазақстанда алғаш рет National Geographic Qazaqstan елшілерін жариялауға арналған ашық кездесу өтті. Олар – елімізде ғылымды дамытуға, табиғатты қорғауға және қоғамды жақсартуға үлес қосып жүрген азаматтар. National Geographic 33 - бұл халықаралық журналдың арнаулы жобасы. Ол әлем бойынша қоғамға оң өзгеріс әкеліп жүрген тұлғаларды танытуды мақсат еткен бастама. Ал Қазақстан елшілері осы NG 33 бастамасының жергілікті деңгейдегі идеялық жалғасы.

Нұрзада Амангелді, National Geographic Qazaqstan журналының елшісі:

Адамға жауапкершілік береді, ары қарай жұмыс істеуге мотивация береді. National Geographic ол таза ғылыммен байланысты, сондықтан осы салада осындай ілініп жатсақ ол үлкен қуаныш деп ойлаймын.