Air Products компаниясымен газ химиясы саласы талқыланды

Қазақстан Air Products компаниясымен газ химиясы және жаңа өнеркәсіп технологияларын дамытпақ. Премьер- министр Олжас Бектенов АҚШ-тың Air Products компаниясының Еуропа және Африка өңірлері бойынша президенті Иво Болспен кездесті. Тараптар газ және көмір химиясы, сутегі энергетикасы, металлургия тиімділігін арттыру және бірлескен инвестициялық жобаларды іске асыру мәселелерін талқылады. Үкімет халықаралық серіктестермен озық технологиялар трансфері мен заманауи өндірістерді дамытуға мүдделі. Кездесу қорытындысы бойынша әлеуеті мол жобаларды пысықтау жұмыстарын жандандыру тапсырылды.