Басты Жаңалықтар Риддердегі ЖЭО-ны жөндеуге ₸ 1 млрд 800 млн бөлінді

Риддердегі ЖЭО-ны жөндеуге ₸ 1 млрд 800 млн бөлінді

04.05.2026 13:03

Риддердегі жылу электр орталығы мен желілерін жөндеуге резервтен 1 миллиард 800 миллион теңге бөлінді. Тиісті қаулыға Премьер-министр Олжас Бектенов қол қойды. Бұл қаражат алдағы жылыту маусымына дайындыққа жұмсалмақ. Нақтырақ айтсақ, жылу желісінің тозығы жеткен 12 учаскесіне, сондай-ақ қазандықтардағы күрделі жөндеу жобаларын аяқтауға бағытталады. Мамандар жылу жүйесінің тұрақты жұмысын қамтамасыз ету үшін бірінші кезекте жөндеуді қажет ететін учаскелер мен жабдықтарды анықтады.

Ержан Ертаев, Энергетика министрлігі мемлекеттік энергетикалық қадағалау мен бақылау комитетінің төрағасы:

Энергетика министрлігінің тексеру қорытындысы бойынша жабдықтың ең тозған элементтерін ауыстыру және қысқы кезеңге қажет резервті қамтамасыз ету жөніндегі ұсынымдар берілді. Бұл ең алдымен Риддер қаласының жылу мен жабдықтаудағы негізгі болып табылатын бесінші және алтыншы қазандықтарға қатысты. Өздеріңізге мәлім, өңірде жылыту маусымын штаттық жөндеу өттті, ал биылғы жөндеу науқаны көлемі тұрғындарды тұрақты жылумен қамтамасыз етуге толық мүмкіндік береді.

Автор

Оңғар Алпысбайұлы

Бөлісу