Ереванда Еуропа саяси қауымдастығының саммиті басталды

Армения астанасында Еуропа саяси қауымдастығының саммиті басталды. Екікүндік шараға 50 мемлекет және үкімет басшылары қатысып жатыр. Олардың арасында Украина президенті Владимир Зеленский бар. Сонымен бірге саммитке алғаш рет Канада премьер-министрі де келді. Бұл – алаңның Еуропадан тыс кеңейіп жатқанын көрсетеді. Еревандағы жиынның күн тәртібінде Украина мен Ирандағы соғыс, демократиялық тұрақтылықты нығайту, энергетикалық және экономикалық қауіпсіздік пен өзге де мәселелер талқыланбақ.

Айта кетсек, аталған қауымдастық 2022 жылы еуропалық  көшбасшылардың ЕуроОдақ институттарынан тыс бейресми диалог алаңы ретінде құрылған.