БАӘ Иранның шабуылына ұшырағанын мәлімдеді

Біріккен Араб Әмірліктері Иранның зымыран шабуылы қайта басталғанын мәлімдеді. Мұндай оқиға АҚШ пен Иран арасында бітім жариялғалы алғаш рет болып отыр. Әмірліктердің әуе қорғаныс жүйесі 19 зымыран мен ұшқышсыз аппаратты ұстағанын хабарлады. Фуджейрадағы мұнай кешені маңында өрт тұтанған. Шабуылдан 3 үнді азаматы жараланып, ауруханаға түсті. Біріккен Араб Әмірліктеріндегі мектептерде сабақ онлайн форматқа көшірілді. АҚШ президенті Дональд Трамп Иран Ормұз бұғазында жанжалға қатысы жоқ бірнеше елге, оның ішінде Оңтүстік Кореяның кемесіне соққы бергенін мәлімдеді. Ақ үй басшысы Сеулді аймақтағы қауіпсіздікті қамтамасыз етуге қосылуға шақырды.