Трамп Ормұз бұғазынан кемелерді өткізуді уақытша тоқтатты

АҚШ президенті Дональд Трамп Ормұз бұғазынан кемелерді өткізу операциясын шамалы уақытқа доғарды. Мұны Құрама Штаттар лидері өзінің әлеуметтік желідегі парақшасы арқылы хабарлады. Оның айтуынша, бұл шешім Иранмен «кешенді келісім» жасау жолында прогресс байқалғандықтан қабылданып отыр. Дегенмен, ресми Тегеран Трамптың мәлімдемесіне қатысты әзірге ешқандай түсініктеме бермеген.

Айта кетсек, Құрама Штаттар мен Израильдің шабуылы басталғаннан кейін Иран Ормұзды іс жүзінде жауып, екі мыңдай кеме стратегиялық су жолынан өте алмай отыр. Осының салдарынан энергия қымбаттап, инфляция күшейіп, жаһан экономикасына дағдарыс қаупі төніп тұр.