Қытайдағы жарылыс құрбандары 26-ға жетті

Қытайда жарылыс болған фейерверк фабрикасы маңындағы ғимараттарда жөндеу жұмыстары жүріп жатыр. Соңғы мәліметке қарағанда, Хунань провинциясының Люян қаласында орналасқан кәсіпорындағы алапат дүмпуден дүйсенбі күні 26 адам қаза тауып, 61-і жараланды.

Кешен аумағындағы екі қоймада тез жанатын қара ұнтақ сақталғандықтан, фабрика айналасындағы үйлердің тұрғындары қауіпсіз жерге көшірілді. Жергілікті ақпарат құралдарының хабарлауынша, президент Си Цзиньпин оқиғаның себебін тергеуге және трагедияға кінәлілерді жауапқа тартуға бұйрық берді.