Хантавирус тараған кемеде эвакуация аяқталды

Атлант мұхитында хантавирус табылған круиздік кемеден соңғы 6 жолаушы мен экипаждың 12 мүшесі эвакуацияланды. Олар бірер сағат бұрын ұшақпен Нидерландыға жеткізіліп, қарантинге жабылды. Туған елдеріне қашан жіберілетіні әзірге белгісіз. Хантавирус әдетте, жабайы егеуқұйрықтардан тарайды. Сирек жағдайда адамнан адамға жұғады. Жалпы алғанда, саяхатшылар лайнерінде осы инфекцияны 8 адам жұқтырып, үшеуі қайтыс болды. Арасында голландиялық ерлі-зайыпты мен Германия азаматы бар.