Круиздік лайнерде норовирус табылды

Францияның Бордо қаласының жағалауына аялдаған круиздік кемеде жолаушылар жіті тексеріліп жатыр. Бұл лайнерде норовирус өршіп, 49 адам асқазан-ішек ауруына шалдыққан.

Жалпы алғанда, бортта 1233 жолаушы мен экипаждың 514 мүшесі бар. Солардың ішінде британдық 92 жастағы азамат қайтыс болды. Алайда, оның өлімі норовируспен байланысты емес. Сонымен қатар осы оқиға мен жақында үш адамның өмірін қиған хантавирус арасында да байланыс жоқ екені анықталып отыр.

Соңғы мәліметке қарағанда, Белфасттан жеткен кемеге қызметін әрі қарай жалғастыруға қайта рұқсат етілген.