Қытайдың бірнеше провинциясын су басты

Қытайда төпелеп жауған жаңбыр соңы тасқынға ұласып жатыр. Табиғи апат салдарынан елдің оңтүстік-батысындағы Гуанси провинциясында пикап машинасы өзенге құлады. Борттағы 15 жолаушының біреуі қаза тауып, тоғызы жоғалып кеткен. Ал шығыстағы Цзянси аймағында егістік алқаптарын су басып, бір бастауыш мектепті екі күнге жабуға тура келді.

Сонымен қатар Қытай төтенше жағдай министрлігінің хабарлауынша, қазір оңтүстік провинцияларға да тасқын қаупі төніп тұр.