ДСМ: Аутизмді толық емдеу туралы ақпарат жалған

Аутизмді емдейтін ғажайып терапияға сенбеңіздер! Денсаулық сақтау министрлігі әлеуметтік желілерде «аутизмді толық емдейміз» деген жалған ақпараттардың таралуына қатысты осындай мәлімдеме жасады. Ақпаратқа сай, бүгінде аутизмді «тез және толық емдеуге» қабілетті ғылыми дәлелденген әдіс жоқ. Ғажайып ем-дом, күмәнді дәрі-дәрмектердің және жалған ғылыми әдістердің уәделері отбасыларды адастырып қана қоймай, кәсіби көмек алу үшін аса қымбат уақытты жоғалтуға әкелуі мүмкін. Сондықтан министрлік азаматтарды негізсіз ақпаратқа сенбеуге және тек дәлелді медицинаға жүгінуге шақырады.