Аббас Аракчи: Келіссөзге де, соғысқа да дайынбыз

Иранның сыртқы істер министрі Аббас Аракчи ел келіссөзге де, соғысқа да дайын екенін мәлімдеді. Дипломат сыртқы істер министрлігінің әрекеттері әскери басшылықпен тығыз үйлестіріліп жүзеге асырылатынын айтты.

Сыртқы істер министрлігі миссияны басқалардан дербес атқармайды. Қажет болса, соғысамыз, келіссөз керек болса, жүргіземіз. Күніне бірнеше мәрте қарулы күштердің басшыларымен кездесіп, түрлі жиын өткіземіз. Мақсат ортақ.

Ал сәрсенбіде АҚШ президенті Дональд Трамп Ираннан дұрыс жауаптың келуін бірнеше күн күтуге ниетті екенін мәлімдеді. Ақ үй басшысы Вашингтон мен Тегеран келісімге келу немесе қақтығысты қайта бастау алдында тұрғанын айтты. Алайда дипломатиялық күш-жігерге басымдық беру үшін шабуылды кейінге қалдырғанын жеткізді.