Мұнай 4 пайызға арзандады

Жаһан нарығында АҚШ пен Иран бейбіт келісімге жақындады деген оптимизм күшейіп келеді. Сондықтан бүгін сауда биржаларында мұнай бірден 4 пайыздан астам арзандап, Brent маркалы шикізат баррелінің құны 99 долларға дейін түсті. Бұл – соңғы екі аптадағы ең төменгі көрсеткіш. Ал «қара алтынның» техастық сұрыбының бағасы 92 долларға дейін арзандаған.

Айта кетсек, ақпанның 28-де Иранға қарсы соғыс басталғаннан кейін Тегеран әлем мұнайы мен сұйытылған газының 20 пайызы өтетін Ормұз бұғазын жапты. Содан кейін дүниежүзінде қара алтын қымбаттап, әлем экономикасының өсіміне қауіп төне бастады.