Республика күніне орай сауда орталықтары ауқымды акция өткізіп жатыр

Қазақстан бойынша 649 сауда нысаны Республика күніне орай жеңілдік акциясын өткізіп жатыр. Науқанға 232 сауда орталығы мен сауда үйі, сондай-ақ 417 ірі дүкендер желісі қатысуға ниет білдірген. Жеңілдіктер азық-түлік және басқа да тауарларға қолданылады. Кей өнімдер 50%-ға дейін арзандатылған. Жалпыұлттық акция тұтынушыларға тиімді сауда жасауға, ал отандық өндірушілерге өнім өткізу көлемін арттыруға мүмкіндік береді. 17 қазаннан басталған Republic Day және Bereke Fest акциялары 27 қазанға дейін жалғасады.