Басты Жаңалықтар Астанада балаларға өкпе қабынуына қарсы екпе егіледі

Астанада балаларға өкпе қабынуына қарсы екпе егіледі

16.04.2014 05:30

Астанада алғаш рет балаларға өкпе қабынуына қарсы екпе егіле бастайды. Шара мамыр айында жүргізіледі. Мамандардың айтуынша, өкпенің қабынуы - 5 жасқа дейінгі балалар арасындағы өлімнің ең басты себебі.

Сәбилер өлімін азайту мақсатында елімізде 2010-жылдан бастап, Астанадан басқа өңірлердің барлығында осы вакцина қолданыла бастады. Соның арқасында балғындар арасындағы бұл дерт азайған.

Балаларды өкпе қабынуының қоздырғыштарына қарсы егу шарасы үш кезеңнен тұрады. Оның екеуі сәбидің 1 жасында, біреуі 2 жасқа толғанда салынады. Яғни, 2 жасқа дейінгі балалар қамтылады. Астанада олардың саны 6 мыңға жуықтайды.

Нұршай Әзімбаева, Эпидемиологиялық бақылау департаментінің бас сарапшысы:

Осы вакцинацияны ерте бастаған облыстарда нәтиже бар. Пневмония ауруы 50 пайызға азайды.

Сәуле АЛДАМҰРАТҚЫЗЫ

Бөлісу