Екі қаладан басқа аймақтарда сауда орталықтарына жұмыс істейді

Карантин жарияланбаған аймақтардағы сауда орталықтарына жұмыс істеуге рұқсат етілді. Сауда және интеграция министрлігі мен Денсаулық сақтау министрлігі келісе осындай шешім қабылдады. Құжатқа сай аумағы 2 мың шаршы метрден кем емес сауда орталықтары мен гипермаркеттер таңғы 10-нан кешкі 18-00-ге дейін жұмыс істейді. Базарларға 11-ден кешкі беске дейін рұқсат. Ал қоғамдық тамақтану орындарында 50 адамнан көп халық жиналмауы тиіс. Ең бастысы қай-қайсысы болмасын санитарлық талаптарды қатаң сақтауы керек. Сауда орталықтары жаңа ережеге сай жұмыс істеп тұрған өңірдің бірі Солтүстік Қазақстан облысында жергілікті атқарушы орган өкілдері кәсіпкерлерге түсіндіру жұмыстарын жүргізіп, тәртіпті сақтауды қатаң ескерткен.

Бейнегүл АБАУОВА