Ресейдің Омбы облысында құс тұмауы өршіп тұр

Ресейдің бірқатар өңірінде құс тұмауы өршіп тұр. Мәселен Омбы облысындағы 15 ауданда індет ошақтары анықталып, төтенше жағдай режимі жарияланды. 1,5 миллион тауықтың көзі жойылды. Челябі, Түмен, Самара облыстарында да жағдай мәз емес. Бұлай жалғаса берсе, көрші елдегі аудандар мен қалалар карантинге жабылуы мүмкін. 

Сергей Калашников, Ресей федералдық жиналысы Федерация кеңесінің мүшесі:

 - А типті тұмау вирусының көп түрі бар. Олар өте жиі мутацияға ұшырайды, сондықтан да қазір құс қырылып жатыр. Дегенмен құс тұмауына қарсы вакцина бізде бар, алаңдауға негіз жоқ деп ойлаймын.

Индира Бегайдар