Францияның Марсель қаласында науқастардың көптігінен ауруханаларда орын жоқ

Францияның Марсель қаласы коронавирус эпидемиясының жаңа ошағына айналды. Науқастардың көптігінен ауруханаларда, әсіресе жан сақтау бөлімдерінде орын тапшы. Жағдайдың ушығуы Парижден бөлек, Лион және Бордо қалаларында да байқалып отыр. Жалпы, елде инфекция өткен тәулікте 4200-дей адамнан анықталып, барлық науқас саны 496 мыңнан асты.

Ал АҚШ-та Сovid құрбандарының саны 200 мыңға жуықтап қалды. Бұл – әлем бойынша жұқпалы дерттен қайтыс болғандардың 20 пайызы. Елде университеттер ашыла бастаған соң студенттер арасында індетке шалдығу жиілеген. Сондықтан оқу қайтадан онлайн режимге ауыстырылып жатыр. Айта кетсек, Құрама Штаттар 6 миллион 850 мыңнан астам науқаспен әлем бойынша көш бастап тұр. 

Жансая Қапасқызы