Мальдив аралдарынан келген қазақстандықтар карантинге жатқызылады

Мальдив аралдарына барып келген қазақстандықтар 14 күн үйде оқшауланады. Қазақстанның бас мемлекеттік санитар дәрігерінің жаңа қаулысының талабы осындай. Азаматтардың қолында коронавируспен ауырмайтынын айғақтайтын тест нәтижесі болса да, COVID-19-ға қарсы вакцина алса да, карантинге жатқызылады.

Сондай-ақ демалыстан келген адамдар 14 күн бойы медициналық бақылауда болады. Қаулы бүгін түнгі 00.00-ден бастап күшіне енеді. Мальдив аралдарында вирус өрши түскенін айта кетейік. Ал, Air Astana компаниясы 31 мамырға дейін Алматы-Мальдив бағытындағы рейстерді тоқтатты.

Армангүл Тоқтамұрат