Түркиядағы өртті сөндіруге Қазақстаннан көмек көрсету тобы аттанды

Түркиядағы өртті сөндіруге Қазақстаннан көмек тобы аттанды. Президент Қасым-Жомарт Тоқаевтің тапсырмасымен суағар құрылғылары бар 2 тікұшақ және 16 құтқарушы жолға шықты. Төтенше жағдайлар министрлігіне қарасты мамандар үш мемлекетте тоқтап, Түркияның Мұғла қаласына ұшып жетеді. Жедел топты әуежайда Төтенше жағдайлар бірінші вице-министрі Ибрагим Күлшімбаев шығарып салды. Мамандар, бауырлас елге көмектесіп қана қоймай, тілсіз жаудан зардап шеккен орман алқабын қалпына келтіруге гуманитарлық қолдау танытуға ниетті.

Раушан Сайлауқызы