G20 елдері Ауғанстанда «Экономикалық апатқа» жол бермеуге уағдаласты

«Үлкен Жиырмалық» елдері Ауғанстанда «экономикалық апатқа» жол бермеуге келісті. Бұл мәселені әлемнің алып мемлекеттерінің лидерлері Италияда өткен виртуалдық конференцияда талқылады. Бұған дейін Біріккен Ұлттар Ұйымы халықаралық қауымдастықты ауған экономикасына миллиардтаған доллар салуға шақырған еді. Соған сәйкес, Еуропа одағы Ауғанстанға көмекке 1 жарым миллиард еуро бөлуге уәде беріп отыр. Бұл қаражат ондаған миллион адамды аштықтан, хаостан қорғауға қажет. Әлемдік банктің дерегінше, Ауғанстан жалпы ішкі өнімінің 40 пайызы шетелден келген көмектен құралады.