Басты Жаңалықтар Республикалық қарилар байқауының жеңімпазы анықталды

Республикалық қарилар байқауының жеңімпазы анықталды

14.10.2021 13:00

Түркістанда кезекті қарилердің республикалық сайысы өз мәресіне жетті. Ел Тәуелсіздігінің 30 жылдығына орай ұйымдастырылған шараға еліміздің әр аймағынан 74 үміткер қатысып, өз бақтарын сынады. Қазақстан мұсылмандары діни басқармасының ұйымдастыруымен өткен байқауда қатысушылар Құран Кәрімді жатқа айтып, мәнерлеп оқып шықты. Олардың қарым-қабілетін бағалап, жарысқа төрелік еткен қазылар алқасы жас қарилердің арасынан үздік деген бес үміткерді іріктеп алды. Екі күнге жалғасқан байқау қорытындысымен Шымкенттен келген Әлібек Жалиев жеңімпаз деп танылып, шетелдік жол талғамайтын автокөлікке ие болды. Сондай-ақ 30 пара бойынша финалдық кезеңге жолдама алған екі қариге ынталандыру сыйлығы ретінде ұмра қажылығына жолдама берілді. Айта кетейік, жарысқа қатысқандардың ең жасы 9 жаста.

Әлібек Жалиев, Байқау жеңімпазы:
2 жыл бойы дайындалдым. Жылдан-жылға елімізде қарилеріміз көбейе берсін.

Наурызбай қажы Тағанұлы, Бас мүфти:
Біздің Тұңғыш Президентіміз Елбасы өз сөзінде: «Тегіміз – Түрік, дініміз – Ислам, кітабымыз қасиетті Құран. Сол үшін құранды насихаттауды ұмытпауымыз керек» деген болатын. Сондықтан ҚР Мұсылмандар дни басқармасы өзіміздің қасиетті құранды насихаттау мақсатында осындай сайыстарды өткізіп жатырмыз.

Айнұр Ақбаева

Автор

Айнұр Ақбаева

Бөлісу