Түркістан облысында білім бөлімінің бастығы мен мектеп директоры қамауға алынды

Түркістан облысының Сайрам ауданында адами әлеуетті дамыту бөлімінің басшысы мен мектептердің бірінің директоры аса ірі көлемде пара алып жатқан кезінде қолға түсті. Алдын ала тергеу мәліметтеріне сәйкес, мектеп директоры жергілікті тұрғынды жұмысқа қабылдау үшін 800 мың теңге көлемінде ақша алған. Қомақты қаражаттың жартысын аудандық білім бөлімі басшына жеткізіп берген. Осы кезде құзырлы орган өкілдері екеуін де қылмыс үстінде ұстаған.

Әбдуәлі Қосмұратов,  мамандандырылған тергеу сотының судьясы: 

Сайрам ауданының білім бөлімінің бастығына қатысты іс қаралып, екі ай мерзімге санкция берілді Қылмыстық кодекстің 366-бабы 3-ші бөлігінің 2-ші тармағымен. Қазіргі кезде соттың қаулысы заңды күшіне енген жоқ. Тараптар шағым келтіріп, аппеляциялық сотқа жолданды.

Айнұр Ақбаева