Мобильді ақша аударымдары қызметіне «төлем жасау» функциясы қосылады

Кәсіпкерлерді көлеңкеден шығару үшін мобильді ақша аударымдары қызметіне «төлем жасау» функциясы қосылады. Қазір тауар мен қызмет ақысын мобильді аударымдар арқылы алып, таза табысын жасырған бизнес өкілдері аз емес. Бұдан былай тұтынушы тауар үшін «төлем жасау» бағанына өтіп, есеп айырысады. Ал кәсіпкердің табысынан міндетті түрде салық алынады. Тұрғындар биыл 8 айдың өзінде банктің мобильді қосымшасы арқылы 43 трлн 2 млрд теңге аударған. Сондықтан кәсіпкерлерге арнайы есеп жүргізуге мүмкіндік берілмек. 

Ақерке Бектас