Желтоқсаннан бастап ескі көліктерді утилизацияға қабылдау аяқталады

Желтоқсаннан бастап ескі көліктерді утилизацияға қабылдау аяқталады. Өндірушілердің кеңейтілген міндеттемелері операторы биылға межеленген квотаны толық игергенін хабарлады. Енді жыл соңына дейін мамандар аймақтардағы қабылдау бекеттеріне тапсырылған техникаларға түгендеумен айналысады.

Халық биыл 50 мыңнан аса ескі көлікті утилизацияға тапсырған. Оның 37 мыңнан астамы жеңіл автомобиль. Өндірушілер операторының мәліметінше, ауылшаруашығы техникасы жыл соңына дейін қабылдана береді. Биыл шаруалар 3 мыңға тарта агротехника өткізген. Ал жеңіл, жолаушы және жүк көліктерін қабылдау бағдарламасы қаңтарда іске қосылмақ.

Ақерке Бектас