Қазанда тұрғындар 162 млрд теңгеге ипотекалық несие алды

Қазанда тұрғындар 162 млрд теңгеге ипотекалық несие алды. Ұлттық банк мамандарының хабарлауынша, былтырға қарағанда баспана сатып алуға кредит мөлшері 43,8%-ке өскен. Ипотеканы көбіне Нұр-Сұлтан мен Алматы қаласының тұрғындары рәсімдеген. Биыл үй құрылысына 2 млрд теңгеге жуық ақша жұмсалған. Мыңнан аса көппәтерлі үй пайдалануға берілді. 32 мыңға тарта жеке үйдің құрылысы біткен.

Сондай-ақ елде даму әлеуеті төмен моноқалалардан қоныс аударушылар үшін жеңілдетілген ипотека бағдарламасы ашылады. Мұны бұған дейін Президент тапсырған. Оның бастапқы жарнасы 10 пайыз, сыйақы мөлшерлемесі 5 пайызға дейін болмақ. 

Ақерке Бектас