Түркістан облысында індет жұқтырғандар саны азайып келеді

Түркістан облысында індет жұқтырғандар саны азайып келеді. «Жасыл» аймақта тұрған өңірде соңғы тәулікте тек 14 адам ковидке шалдыққан. Облыстағы инфекциялық стационарларда 165 науқас ем қабылдауда. Ал, екі апта бұрын бір тәулікте 148 науқас тіркелген болатын. Қазір өңірдегі 150 екпе қабылдау бекетінде екпе салу шаралары жалғасуда. Аймақта вакцинаның алғашқы компонентін 1 млн 047 мыңға жуық адам салдырған. Екінші құрамды 1 042 201 адам қабылдады. 212 816 адам ревакцинациядан өтті.

Айнұр Ақбаева