«Бұқаралық ақпарат құралдары туралы» заң қайта қаралады

Мемлекеттің мүддесін, қоғамның сұранысын және медиасаланың даму үрдісін ескере отырып, БАҚ туралы заң қайта қаралады. Қазіргі заманға лайықты мықты медиа билік пен халық арасындағы байланысты нығайтып, көкейкесті мәселелердің шешілуіне ықпал етуі тиіс деді Мемлекет басшысы. Бүгінгі таңда ақпарат құралдары бәсекеге қабілетті және еркін болуы тиіс. Бұл кез-келген өркениет елдері үшін маңызды. Президенттің БАҚ-на тың серпін беретін бастамаларға жол көрсеткені осы саладағы түйіткілді мәселелердің шешілуіне негіз болады, дейді журналистер қауымы.

Ғалымжан Елшібай, Түркістан облыстық Журналистер одағының төрағасы:

Қаңтар оқиғасы, әлемде болып жатқан соңғы оқиғалар ақпарат саласына үлкен көңіл бөлу керектігін көрсетіп отыр. Бұл салада кейбір мәселелердің кенжелеп қалғанына да көзіміз жетіп отыр. Осындай олқылықтардың орын алатын, жолға қоятын баптар жаңа заңда қаралуы керек деп есептеймін.

Айнұр Ақбаева