Түркістан облысы мен Шымкент қаласында пробациялық бақылауға алынған 91 азаматқа электронды білезік тағылады

Түркістан облысы мен Шымкент қаласында пробациялық бақылауға алынған 91 азаматқа электронды білезік тағылады. Электронды құрылғы бірінші кезекте педофилдерге тағылды. Енді осы білезіктер арқылы сотталғандарды бақылап отыруға болады, яғни олардың қайта қылмыс жасауына жол берілмейді. Егер сотты болған азамат тәртіп бұзса немесе білезікті өздігінен шешуге тырысқан жағдайда дабыл белгісі қосылады.

Нұрбол Мамырханов, қалалық Пробация қызметі бөлімі басшысының орынбасары:

Қазіргі таңда Түркістан қаласында есепте тұрған 6 азаматқа электронды білезік тағылды. Оның екеуі педофил, біреуі мерзімі шартты түрде ұзартылған азаматтар. Үшеуі бас бостандығын шектеу жазасына сотты болған азаматтарға тағылды. Әрқайсысына жеке инспекторлар тағайындалған.

Айнұр Ақбаева