Елдегі кәсіпорындардың жұмысшыларға қарызы 1 млрд 700 млн теңгеден асқан

Елдегі кәсіпорындардың жұмысшыларға қарызы 1 млрд 700 млн теңгеден асқан. Еңбек және халықты әлеуметтік қорғау министрлігінің мәліметіне қарағанда 300-ден аса компания 7 мың қызметкердің жалақысын қайтармаған. Еңбек инспекторлары азаматтардың айлығын уақытында қайтармаған кәсіпорындарға 40 млн теңгеден аса айыппұл салды. Бұл компанияларға берешекті өтеудің қатаң кестесі мен мерзімі белгіленген. Қазір 5 мыңға жуық жұмысшының құқығы қорғалған. Оларға 1 млрд теңгеден аса ақша қайтарылды. 

Ақерке Бектас