Мамырда 571 мыңнан аса адам атаулы әлеуметтік көмек алды

Мамырда 571 мыңнан аса адам атаулы әлеуметтік көмек алды. Биыл бұл үшін бюджеттен 84 млрд 700 млн теңге бөлінген. АӘК отбасының әрбір мүшесіне шаққандағы орташа табысы ең төменгі күнкөріс деңгейінің 70%-ынан төмен азаматтарға тағайындалады. Енді әр өңірде табысы аз отбасылардың мектеп жасына дейінгі балалары әлеуметтік топтамамен қамтылады. Мысалы, 6 жасқа дейінгі 144 мың балаға азық-түлік және тұрмыстық химия жиынтығы әлеуметтік топтама ретінде берілді. Атаулы әлеуметтік көмекті электрондық үкімет порталы арқылы өтініш беріп, алуға болады. 

Ақерке Бектас