Ұлттық қауіпсіздік комитеті: 61 қару, 13 граната және 1170 оқ-дәрі тәркіленді

Биыл сәуір-мамыр айларында Ұлттық қауіпсіздік комитеті заңсыз айналымда жүрген, оның ішінде «қаңтар оқиғасы» кезінде ұрланған қаруларды табу бойынша жедел-іздестіру шараларын өткізді. Соның нәтижесінде барлығы 61 қару, 13 граната және 1170 оқ-дәрі тәркіленді. Заңсыз айналымда жүрген қару-жарақтар Алматы, Талдықорған, Жамбыл, Шығыс Қазақстан мен Түркістан облыстарынан табылған. Осы деректер бойынша сотқа дейінгі тергеу амалдары жүріп жатыр. 

Раушан Сайлауқызы